Teísmo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Teísmo
- Do grego "Theós" (deus). O termo aplicouse a calquera doutrina que defendese simplemente a existencia de deus, independentemente de que se lle dotase ou non de determinados atributos.
Así e todo, a finais do século XVII o termo teísmo foi adquirindo un uso máis restrinxido para referirse a calquera doutrina filosófica ou relixiosa que afirma a existencia dun deus persoal, transcendente, creador e providencial, en oposición ao termo "deísmo", que se aplicou ás doutrinas que defendían a existencia de deus como un principio da realidade do que non é posíbel acadar ningún outro coñecemento ou determinación.